Orihinal na inilabas noong Marso 2019, ang produktong ito ay ang Apple iPad Air 2019. Ang mga katangian nito ay naglalaman ng teknolohiya ng bluetooth, 4.2 9.7-inch retina display 8-megapixel camera, FaceTime HD camera, 1080p HD rekord ng video, at A10 Fusion chip na may 64-bit na arkitektura. Nagtataglay din ito ng naka-embed na M10 coprocessor 10-oras na buhay ng baterya at ito ay multi-touch screen 469 gramo at 7.5 milimetro. Nakuha namin ang iPad na ito noong February 10, 2020 sa halaga na P40,000.
Sa unang pagkakataon kong gumamit ng isang produkto mula sa Apple, nakabuo ako ng aking mga hinuha tungkol dito. Sa unang dako ng pagsalaysay ng aking karanasan dito, maraming magandang katangian nito ang aking lubos na nagustohan. Bilang isang manlalaro ng mga “E–sports” or “electronic sports” katulad ng Mobile Legends, at Call of Duty, masasabi kong ang iPad ng Apple ay nakapag bibigay ng magandang karanasan sa mga mahilig maglaro ng mobile games sapagkat “smooth gaming” ang mararanasan; walang biglaang pag hinto ng laro o di kaya ay pag “lag” katulad sa ibang mga gadgets na aking naranasang gamitin.
Ang iPad na gamit namin ay ang iPad Air, kung kaya magaan ito at madaling dalhin. Pwede rin itong magamit bilang laptop, kung kaya’t mas madali siyang gamitin kaysa sa laptop. Sa panahon ngayon na uuso ang mga Zoom meetings, mas napapadali ang aking pag set–up para sa mga meetings na ito kompara sa pag gamit ng laptops.
Marami-rami rin itong mga katangian na sa Apple mo lang mararanasan, katulad na lamang ng pagkakatoon nito ng tinatawag na “Siri” na ma aasahan mo sa pagtugon ng iyong mga hiling na gusto mong makamit gamit ang iPad, napaka dali nitong gamitin sapagkat isang utos mo lang, ay masusunod ng “Siri.” Si Siri ay parang kaibigan na makakausap mo, lalo na kung nagsisimula kapa lamang matutong gumamit ng Apple, ay tiyak na matutulungan ka nitong alamin kung ano ang iyong gagawin. Sa ibang dako naman, napakaganda rin ng kalidad ng camera basta Apple. Matagal naman na napatunayan iyon.
Sa aking karanasan, nakaka kuha ako ng mga “high quality o high definition” na mga litrato gamit ang camera ng isang Apple gadget. Hindi lang iyan, meroon din itong screen record na napaka daling gamitin. Sa lahat na gadgets na aking na subukang gamitin, ang Apple ang may pinaka magandang screen record. Maayos ang pagkaka screen record nito sa kahit na ano mang gusto kong irecord. Ngunit, may na pagtanto ko rin na ang Apple ay may pagka “madamot” sapagkat kung isa kang Apple user, ay sa kapwa Apple user ka lamang nakaka pag pasa ng mga litrato at kahit na ano man gamit ang bluetooth. Ang bluetooth ng Apple ay para sa Apple lamang. Isa pa, hindi katulad ng android ang Apple sapagkat iOS ang software na gamit nito, na sariling software ng Apple. Isang dahilan ito kung kaya’t hindi ako makakapapasa ng mga tunog or musika mula sa ibang gadget. Sa Apple, kinakailangang bumayad kung nais mong mag download ng mga music or mga movies. Ang dahilan dito, ay mahigpit lang ang seguridad ng software ng Apple, ginawa ito upang hindi madaling magka “virus” ang iyong Apple na gadget, kung kaya’t sa Apple, siguradong protektado ka mula sa mga virus na makakasira ng iyong gadget.
Sa kabuuan, aganda ang produkto ng Apple at yung iPad na ito ay malaki ang kanyang storage at marami ang iyong pwedeng ma download na apps at mga files. Mahal nga lang ang presyo ng isang Apple gadget, ngunit sa aking karanasan, ay sulit naman ito sapagkat pang matagalan ang gamit nito dahil matibay siya, at maganda ang kanyang mga serbisyong na ibibigay sa mga Apple users katulad ko.
robertkent.law.blog 